Viðtal Helga Seljan í Kastljósi í gær við Sævar Gunnarsson formann Sjómannasambandsins lýsir algjörlega óviðunandi ástandi í fisksölumálum landsins.
Ég hvet fólk til að horfa á þetta hér.
Þetta er eiginlega næsta hrollvekjandi viðtal.
Eftirlitsleysið, sleifarlagið – jahérna!
Í mörg ár hefur verið fjasað um að pottur sé brotinn og nú virðist vera að koma í ljós að það sé vægt til orða tekið.
Potturinn í maski, væri nær lagi.
En það er þá algjört lágmark að nota tækifærið og koma sæmilegri skikk á þessi mál – láta þau ekki danka framvegis.