Í búningsklefanum í sundi snemma í morgun hleraði ég eftirfarandi samræður.

Maður sagði við annan:

„Ég þoli ekki þennan nýja biskup Íslands. Þegar maður reynir að heilsa henni, þá varla kinkar hún kolli. Hún er algjör bits.“

Hinn svaraði:

„Já, kannski var Karl bara betri.“

Ekki legg ég neinn dóm á skoðanir þessa áhugamanna um biskupa Íslands fyrr og síðar.

Það skemmtilega var hins vegar að þeir voru báðir átta ára og á leiðinni í skólasund.