Laugardagur 12.04.2014 - 08:40 - FB ummæli ()

Um hvað snýst þetta?

Skýrsla Alþjóðamálastofnunar sýndi eitt, svo ekki varð um villst.

Að það er möguleiki að ná svo góðum samningi við Evrópusamningi að það gæti bætt okkar hag stórlega.

Möguleiki, svo ég kveði nú ekkert sterkar að orði. Það er möguleiki en ekki öruggt.

En þeim möguleika ætlar ríkisstjórn Sigmundar, Davíðs og Bjarna að svipta okkur í nafni bókstafstrúar á að „það henti ekki okkar hagsmunum að ganga í Evrópusambandið“.

Með orðinu „okkar“ er átt við litlar þröngar klíkur í stjórnarflokkunum báðum og sægreifana – þótt þeir séu nú kannski eitthvað örlítið byrjaðir að linast, því miður alltof seint.

Stjórnvöld sem hugsa um eitthvað annað en sína svörtustu parta myndu að sjálfsögðu kanna í þaula alla möguleika á að efla hag þjóðarinnar.

En ekki þessi stjórnvöld.

Því þarf að koma vitinu fyrir þau – og það gerum við með því að mæta á Austurvöll klukkan þrjú í dag.

Og sem allra flest þurfa að skrifa undir á thjod.is.

Þetta snýst ekki um hvort við eigum endilega að ganga í Evrópusambandið. Það vitum við ekki fyrr en samningur liggur fyrir.

Þetta snýst um að mótmæla gerræði stjórnvalda sem ætla að svipta okkur öll mikilvægum möguleika af því það hentar litlum valdaklíkum.

Jahérna. Það var víst enginn skipulagður fundur í dag. En boðskapurinn er jafngóður!

Flokkar: Óflokkað

«
»

Facebook ummæli

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli.
Tilkynna má óviðeigandi ummæli í netfangið ritstjorn@eyjan.is

Höfundur

Illugi Jökulsson
RSS straumur: RSS straumur

Tímans rás



Hleð...

Eingöngu gamlar fréttir!