Ég ákvað að birta einhverja jákvæða og upplífgandi tilvitnun í gömul rit á Facebook-síðunni minni.
Fór á Tímarit.is og leitaði að orðunum „góða líf“.
Fannst að það hlyti að vera hægt að finna mörg dæmi um að Íslendingar áður fyrr hefðu ekki aðeins einblínt á erfiðleikana og eymdina sem fylgdu lífsbaráttunni, og í sveitasamfélagi fortíðar hefðu menn líka séð hið fagra í lífinu, og skrifað um það snotrar hugvekjur.
En var það ekki alveg dæmigert að fyrsta dæmið sem leitarvélin fann um „góða líf“ skyldi vera úr umsögn um bókina Kynbætur sauðfjár frá 1915?
Og það var verið að tala um „góða lífhrúta“.
Við lifðum lengi í veröld Bjarts í Sumarhúsum.